യുപിഐ അധിഷ്ഠിത ആപ്പുകള്‍ (UPI Apps) ഉപയോഗിക്കുന്ന ആര്‍ക്കും പേയ്മെന്റുകള്‍ നടത്തുന്നത് ഇപ്പോള്‍ എളുപ്പമായിരിക്കുന്നു. ഇത് മുതലാക്കാന്‍ തട്ടിപ്പുകാരും രംഗത്ത് എത്തിയിരിക്കുന്നു. വാട്ട്സ്ആപ്പ് (Whatsapp) പോലുള്ള മെസേജിങ് ആപ്ലിക്കേഷനുകള്‍ ഇപ്പോള്‍ പണം അയയ്ക്കാനും സ്വീകരിക്കാനുമുള്ള ഒരു ഓപ്ഷന്‍ വാഗ്ദാനം ചെയ്യുന്നു.
ഇത് സുഹൃത്തുക്കള്‍ക്കും കുടുംബാംഗങ്ങള്‍ക്കും പേയ്മെന്റുകള്‍ (Online Payment) നടത്തുന്നത് എളുപ്പമാക്കുന്നു. ഇത് വളരെ ലളിതമാണ്. നിങ്ങള്‍ ചെയ്യേണ്ടത് ഒരു ക്യുആര്‍ കോഡ് (QR Code) സ്‌കാന്‍ ചെയ്യുക, തുക നല്‍കി അത് അയയ്ക്കുക. നിലവില്‍, വാട്ട്സ്ആപ്പില്‍ ഒരു ഇടപാട് നടത്തുന്നതിന് നിരക്ക് ഈടാക്കുന്നില്ല, അത് മികച്ചതാണ്.
ആളുകള്‍ക്ക് ഇപ്പോള്‍ ഓണ്‍ലൈനില്‍ എളുപ്പത്തില്‍ പണമിടപാടുകള്‍ നടത്താനുള്ള സൗകര്യമുണ്ടെങ്കിലും, അവരെ കബളിപ്പിക്കാന്‍ തട്ടിപ്പുകാര്‍ അവരുടേതായ വഴികളുമായി രംഗത്തിറങ്ങിയിട്ടുണ്ട്.മുമ്പും ഇതുമായി ബന്ധപ്പെട്ട് നിരവധി കേസുകള്‍ ഓണ്‍ലൈനില്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. കൂടുതല്‍ ആളുകള്‍ ഡിജിറ്റലായതോടെ ഓണ്‍ലൈന്‍ തട്ടിപ്പുകള്‍ കൂടിവരികയാണ്.
ആളുകളെ കബളിപ്പിക്കുന്നതിനുള്ള ഏറ്റവും സാധാരണമായ മാര്‍ഗങ്ങളിലൊന്നാണ് ക്യുആര്‍ കോഡുകള്‍.വാട്ട്സ്ആപ്പ് തട്ടിപ്പ്: ക്യുആര്‍ കോഡുകളെക്കുറിച്ച് നിങ്ങള്‍ അറിയേണ്ടത്ഒരു കടയുടമയ്ക്കോ സുഹൃത്തുക്കള്‍ക്കോ അല്ലെങ്കില്‍ ഏതെങ്കിലും സേവനത്തിനോ പണമടയ്ക്കേണ്ടിവരുമ്പോള്‍ മാത്രമേ ക്യൂആര്‍ കോഡ് ഉപയോഗിക്കാവൂ.
പണം സ്വീകരിക്കുന്നതിന് നിങ്ങള്‍ ഒരിക്കലും ഒരു ക്യുആര്‍ കോഡ് സ്‌കാന്‍ ചെയ്യേണ്ടതില്ല, ഇത് ചില ഉപയോക്താക്കള്‍ക്ക് ഇപ്പോഴും അറിയില്ല, മാത്രമല്ല തട്ടിപ്പുകാര്‍ അത് മുതലെടുക്കുകയും ചെയ്യുന്നു. ഉദാഹരണത്തിന്, നിങ്ങള്‍ ഓണ്‍ലൈന്‍ വെബ്സൈറ്റുകള്‍ വഴി ഒരു ഇനം വില്‍ക്കേണ്ടതുണ്ട്, അതിനാല്‍ നിങ്ങള്‍ എല്ലാം തയ്യാറാക്കി.
സ്‌കാമര്‍മാര്‍ക്ക് നിങ്ങളുടെ ഇനത്തില്‍ താല്‍പ്പര്യമുണ്ടെന്ന് കാണിക്കാനും തുടര്‍ന്ന് വാങ്ങുന്നയാളായി അഭിനയിക്കാനും കഴിയും. ശേഷം, ബാങ്ക് അക്കൗണ്ടില്‍ പണം ലഭിക്കുന്നതിന് ഗൂഗിള്‍ പേ അല്ലെങ്കില്‍ മറ്റേതെങ്കിലും യുപിഐ അടിസ്ഥാനമാക്കിയുള്ള സേവനം ഉപയോഗിച്ച് കോഡ് സ്‌കാന്‍ ചെയ്യാന്‍ ആവശ്യപ്പെടുന്ന ഒരു ക്യൂആര്‍ കോഡ് അവര്‍ നിങ്ങളുമായി വാട്ട്‌സ് ആപ്പില്‍ പങ്കിട്ടേക്കാം.
ഇത് നിങ്ങളെ വലിയ കുഴപ്പത്തിലാക്കും, കാരണം നിങ്ങള്‍ പണം സ്വീകരിക്കുന്നതിന് പകരം സ്‌കാമര്‍ക്ക് നല്‍കേണ്ടിവരും.ഓണ്‍ലൈന്‍ പേയ്മെന്റ് എങ്ങനെ പ്രവര്‍ത്തിക്കുന്നുവെന്ന് അറിയാത്തവര്‍ എങ്ങനെയെങ്കിലും ഈ കെണിയില്‍ വീഴുകയും പണം നഷ്ടപ്പെടുകയും ചെയ്യും. ഇതൊരു ജനപ്രിയ തന്ത്രമാണ്. ആളുകളെ കബളിപ്പിക്കാന്‍ വഞ്ചകര്‍ക്ക് വ്യത്യസ്ത വഴികളുണ്ടെന്ന് ഓര്‍മ്മിക്കുക, അതിനാല്‍ നിങ്ങള്‍ ശ്രദ്ധിക്കേണ്ടതുണ്ട്. നിങ്ങള്‍ക്ക് ഓണ്‍ലൈന്‍ പേയ്മെന്റുകളെക്കുറിച്ച് കൂടുതല്‍ അറിയില്ലെങ്കില്‍, ഒന്നുകില്‍ അതിനെക്കുറിച്ച് പഠിക്കുക അല്ലെങ്കില്‍ പണമായി ഇടപാട് നടത്തുന്നതാണ് നല്ലത്.
ഇതുകൂടാതെ, നിങ്ങള്‍ക്ക് ആര്‍ക്കെങ്കിലും പണം നല്‍കേണ്ടിവരുമ്പോള്‍, വാട്ട്സ്ആപ്പില്‍ ഒരു ക്യുആര്‍ കോഡ് സ്‌കാന്‍ ചെയ്തതിന് ശേഷം നിങ്ങള്‍ എല്ലായ്‌പ്പോഴും പേരോ യുപിഐ ഐഡിയോ രണ്ടുതവണ പരിശോധിച്ച് പണമടയ്ക്കണം. തട്ടിപ്പുകാര്‍ക്ക് വാട്ട്സ്ആപ്പിലൂടെ നിങ്ങള്‍ക്ക് ഒരു ക്യുആര്‍ കോഡ് അയയ്ക്കുകയും ഒരു യുപിഐ ആപ്പ് ഉപയോഗിച്ച് അത് സ്‌കാന്‍ ചെയ്യാനും എം പിന്‍ നല്‍കാനും ആവശ്യപ്പെടാം. അടിസ്ഥാനപരമായി നിങ്ങളുടെ ബാങ്കിംഗ് ആപ്പിനായി നിങ്ങള്‍ സജ്ജമാക്കിയ മൊബൈല്‍ പിന്‍ ഇതാണ്.
കൂടാതെ, ഒരു ക്യൂആര്‍ കോഡ് ഉപയോഗിച്ച് ഏത് കോണ്‍ടാക്റ്റും സംരക്ഷിക്കാന്‍ പോലും വാട്ട്‌സ് ആപ്പ് നിങ്ങളെ അനുവദിക്കുന്നു, അതിനാലാണ് ഉപയോക്താക്കള്‍ അവരുടെ വാട്ട്‌സ് ആപ്പ് ക്യൂആര്‍ കോഡ് അവര്‍ വിശ്വസിക്കുന്നവരുമായി മാത്രം പങ്കിടാവു എന്നു പറയുന്നത്. ഒരാള്‍ക്ക് നിങ്ങളുടെ ക്യൂആര്‍ കോഡ് മറ്റുള്ളവര്‍ക്ക് കൈമാറാന്‍ സാധിക്കും, തുടര്‍ന്ന് നിങ്ങളുടെ കോഡ് സ്‌കാന്‍ ചെയ്തുകൊണ്ട് നിങ്ങളെ കോണ്‍ടാക്റ്റായി ചേര്‍ക്കാന്‍ അവര്‍ക്ക് കഴിയും. ശ്രദ്ധിച്ചു മാത്രം കാര്യങ്ങള്‍ കൈകാര്യം ചെയ്യുക മാത്രമാണ് തട്ടിപ്പിന് ഇരയാകാതിരിക്കാനുള്ള മാര്‍ഗ്ഗം.
Post a Comment